Hawlio disgownt yswiriant car ar ôl cwblhau Pass Plus :Cross Stitch – Moduro
Ar ôl i chi lwyddo i orffen eich cwrs hyfforddiant Pass Plus byddwch yn cael tystysgrif Pass Plus gan yr Asiantaeth Safonau Gyrru (DSA). Byddwch yn gallu defnyddio’r dystysgrif hon i hawlio eich disgownt ar eich yswiriant cerbyd.
Mae eich tystysgrif Pass Plus yn brawf ysgrifenedig eich bod wedi pasio’r cwrs Pass Plus. Ar ôl i chi ei chael, efallai y byddwch yn gallu hawlio eich disgownt ar eich polisi yswiriant car modur.
Mae’r Asiantaeth Safonau Gyrru yn eich cynghori i chwilio am y disgowntiau sydd ar gael gan gwmnïau yswiriant i yrwyr sydd wedi cwblhau eu cwrs Pass Plus.
Bydd y swm y gallwch ei arbed yn dibynnu ar y cwmni yswiriant y byddwch yn ei ddewis.
Mae yswirwyr sy’n cefnogi Pass Plus yn cynnig disgownt ar y tri phrif fath o yswiriant cerbyd.
- cynhwysfawr
- trydydd parti, tân a lladrad
- trydydd parti yn unig
Os nad oes gennych chi gar ar hyn o bryd, efallai y byddwch yn gallu gohirio’r disgownt am hyd at ddwy flynedd, ond byddai angen i chi gadarnhau hyn gyda’ch cwmni yswiriant.
Os oeddech chi wedi pasio eich prawf gyrru ymarferol dros flwyddyn yn ôl, gwnewch yn siŵr y byddwch yn gymwys i gael y disgownt gan eich cwmni yswiriant cyn dilyn y cwrs.
Dylech chwilio i weld pa gwmni sy’n cynnig y disgownt gorau i chi. Gallech arbed mwy o arian ar eich yswiriant na faint roeddech chi wedi’i dalu am eich cwrs Pass Plus, sy’n golygu eich bod yn cael eich hyfforddiant am ddim i bob pwrpas.
Pan fyddwch chi’n cysylltu â’r cwmni yswiriant, bydd angen i chi wneud yn siŵr bod disgownt Pass Plus ar gael i chi.
Mae’r cwmnïau yswiriant canlynol yn cynnig manteision yswiriant cerbyd i yrwyr ceir sydd wedi pasio Pass Plus:
- 4Counties Insurance
- AA Insurance
- Adrian Flux Insurance Services
- Churchill Insurance
- CIS
- Click4Gap (rhowch y cod ‘PASSPLUS10GAP’)
- Direct Line
- Endsleigh
- i-Kube
- Privilege
- Royal and Sun Alliance
- Swinton Car Insurance
- Young Marmalade
Darparwyd gan the Driving Standards Agency