Talu ac apelio yn erbyn dirwyon parcio :Cross Stitch – Y cartref a’r gymuned

Bydd staff gwasanaethau parcio’r cyngor yn cynnal a chadw peiriannau tocynnau, yr arwyddion a’r rhwydwaith parcio ceir ar y stryd ac oddi arni. Byddant hefyd yn sicrhau bod llefydd parcio ar gael ac yn ddiogel i’w defnyddio bob amser, yn ogystal â delio ag ymholiadau.

Gallwch dalu’ch dirwy parcio car:

• gyda cherdyn credyd/debyd
• yn bersonol – dylech fynd â’ch taliad a’r tocyn dirwy parcio car i unrhyw un o Swyddfeydd Gwasanaethau Cwsmeriaid eich cyngor
• gyda siec
• gydag archeb bost

Efallai y bydd modd i chi dalu eich dirwy parcio ar-lein. I gael gwybod a yw’ch cyngor lleol yn cynnig y gwasanaeth hwn ymwelwch â’u gwefan neu cysylltwch â hwy’n uniongyrchol.

Os ydych yn dymuno apelio yn erbyn eich dirwy a bod gennych docyn dilys cysylltwch â’ch cyngor lleol. Os dymunwch apelio yn erbyn eich dirwy ar sail amgylchiadau arbennig neu oherwydd eich bod yn Ddeiliad Bathodyn Anabl, dylech gysylltu â’ch cyngor lleol.

Tra byddan nhw’n ystyried eich apêl, bydd y cyngor yn rhewi’r dyddiad olaf ar gyfer talu’r ddirwy hyd nes eu bod yn ymateb. Os nad yw eich dadl yn llwyddiannus bydd y cyngor yn disgwyl i chi dalu o fewn nifer penodol o ddyddiau wedi dyddiad eu hymateb hwy.